浴屏玻璃點解會自爆？熱浸玻璃有咩用？

浴屏用的鋼化玻璃強度約為普通玻璃數倍，破裂時會碎成細粒，減低受傷風險。但間中會聽到浴屏「無端端爆咗」，原因通常同玻璃入面的微細雜質有關。

一、自爆成因

玻璃原料中可能含有極微細的硫化鎳（NiS）雜質。玻璃鋼化之後，呢啲雜質會隨時間及溫度變化慢慢膨脹，最終令玻璃無先兆碎裂。另外，玻璃邊位受損或安裝時受力不均，亦可能引致破裂。

二、熱浸測試點樣幫到手

熱浸（Heat Soak Test）係將鋼化玻璃放入熱浸爐，加熱至約 290°C 並保持約兩小時，令含有雜質的玻璃喺出廠前預先爆裂，篩走有問題的玻璃。升威自設熱浸爐，熱浸工序符合歐盟標準 BS EN 14179-1。熱浸可以大大減低自爆機會，但無法百分之百排除。

三、額外保障

• 夾膠玻璃：兩層玻璃中間夾膠片，破裂時碎片黏住膠片唔會散落。
• 安全膜：喺玻璃背面加貼安全膜，防止碎片飛散。

四、日常注意

• 避免硬物撞擊玻璃，特別係邊位及角位。
• 門鉸或螺絲鬆脫要盡快處理，以免玻璃長期受力不均。
• 定期檢查膠條及玻璃邊位有冇崩口或裂紋。